Monday, June 14, 2010
وقت الانطلاق
هبدأ كلامى ببسم الله و باللغه العامية هكتب و اقول لازم ننطلق .المشاكل زادت , الفساد تغلغل , الغش و الوباء اتزرع و حصاده طرح , المخدرات بقت علنى و السرقات انتشرت , شباب مش عارف هدفه و الكسل مالى بدنه و الحب السطحى و شهوته حياته , زيادة فى الاسعار و غلاء ميتوصفش و كل شىء فى انحدار . الصوره سوداء قاتمه . هى فعلا كدا و تبريرنا انها أفضل بيجعلنا نكمل غيبوبتنا . مفيش شىء كويس الا على المستويات الفردية و المشاريع الشخصية . و عشان كدا لازم كلنا ننطلق عشان نبقى حاجه واحده .هتقولوا فى صحوه هقول فى ملايين فى العشوائيات ميعرفوش اى شىء غير طبخ الباذنجان .احنا لسه بعيد و لسه مهزومين و مقهورين بأنظمه استبداديه عفنه ملوثه و مقيدين بذنبوبنا و كسلنا .هتقولوا ما احنا كويسين و القشيه ماشيه و ادينا عايشين. لا والله دا ستر الله على عباده مش اكتر و حتى الخدمات اللى بناخدها دايما قصادها الف مقابل و المقابل العام بين الناس هو موتهم و هم احياء .عايشين بس عشان عايشين و يربوا العيال اذا قدروا يربوهم صح و يحموهم من اى فساد .لكن هيحموا عقولهم من نظام تعليم عقيم و لا سياسة طوارىء تخنق! . هننطلق بس بأيه ؟ هيكون كلامنا القادم ان شاء الله
Subscribe to:
Post Comments (Atom)
والله ياااااااااااااااريت
ReplyDeleteبجد الواحد زهق وقرف وفعلا خلاص
مبقاش في حاجة نخاف عليها ولا نبكى عليها
موتو جوانا كل حاجة الاحساس والادميه
حسبنا الله ونعم الوكيل
كلنا معاك ان شاء الله
ReplyDeleteمعاكى حق لازم الواحد ينطلق بأه كفايه كسل وقهر كفايه طول الوقت نقول انحنا مغلوبين على امرنا لازم تبدا بنفسك وتحرك علشان تغير وتصلح فى بلدك وده استحاله تغير فى غيرك ولى حواليك وانت واقف فى محلك ده حتى ربنا قال"ان الله لا يغير ما بقوم حتى يغيروا ما "بانفسهم
ReplyDelete